最新防水MP3

相信，有好多人有呢D經驗；當做運動嘅時候，尤其係一個人嘅時候，總會隨身帶住一部MP3陪伴運動。可惜嘅係，大部分嘅MP3都只有掛頸式頸繩連繫住；每當做一D大嘅動作，例如跑步或掌上壓等動作，MP3都會左搖右擺，纏手纏腳，非常唔方便。又或者，有時去海灘或泳池游水，想聽一下心愛嘅歌曲，但又唔想騷擾到其他人，但可惜多數嘅MP3都無防水功能，有此功能嘅，真係少之有少！

依家，有一部MP3可以解決以上種種煩惱；想水、陸運動都可以聽住靚歌？有T.Panda Sportive Pro MP3，絕對可以應付你嘅需要。佢特別嘅設計，擁有IPX - 8級防水嘅能力，能夠陪住你响3米水深內操作達30分鐘。最正嘅設計，係佢有穿帶孔，可直接扣响泳鏡上，一邊游水、一邊聽歌都唔會影響泳姿。你亦可配合手臂帶，將T.Panda Sportive Pro MP3掛好手臂上就算跑上跑落，再大動作，都唔會阻礙自己做運動，非常方便。
隨T.Panda Sportive Pro MP3附上兩套耳機，一個有防水功能嘅耳機，不過其實佢只係靠特別設計嘅入耳式設計，來防止耳道同耳機入水！响水中試聽，感覺耳仔有少少脹住，音色雖然冇喺陸上咁靚聲，但都算清晰，好過癮。另一個係陸上用耳機，音色比水中用嘅耳機好一點，而且又可以配合手帶，一邊跑步都有靚歌伴隨。

格式：MP3,WMA  記憶：2GB  

連接：USB2.0  體積：56.5X32.5X16mm  

重量：21g  售價：$499  查詢：LCX(31023668)

Photo by FACE