Long Time No See

原來我有兩個星期無响呢度寫野，最近真係發生太多事喇！私事、公事一大堆湧埋嚟！公事上，我 只想保持一個中立嘅陣地，只想做好自己嘅事！其他野唔好埋嚟！但又好難去避免，大家一齊做野，點都會傾下計。無事就由自可，一有起事就麻煩！啲小圈子就即 時出晒嚟，陣間又我唔滿意你，陣間又你唔滿意佢，返工啫！大人嚟㗎啦！咁做又唔會升官發財，有咩為呢？
最近對小貓嘅想念越感強烈，最近都有 搵小貓！由於呢個星期上唔到網，只有靠手機嘅msn同佢傾計！同小貓傾計真係好開心，又載小貓四處去，不過，前日就出事喇！車左小貓去西貢一個碼頭傾計， 傾到差不多要走，我開車送小貓返去時，突然有兩隻野狗衝過嚟，嚇到我將架電單車剷左上行人路！雖然小貓話無事，但我始終都好擔心！好想每日都見到小 貓！^^

Read more

蝶‧影‧飛舞！

自從買左部相機返嚟，開始去真正研究攝影呢門學問。接觸攝影已多年，都只近兩年來真正擁有一部數碼單鏡反光相機。最近時間比較充裕，大大話話都影左十幾輯相！而最新一輯係去影蝴蝶，個人認為，咁多輯相當中，最難影都係呢一輯蝴蝶相！目標細，難構圖，加上鏡頭嘅限制，令我覺得，今次呢輯相真係未能令我滿意。
本來約左朋友十點半去到目的地，但係，前一晚俾朋友叫左去打麻雀，一打就打通霄！好彩，今次決戰四方城都算有少少斬獲，有D運仔，有錢贏！返到屋企訓左幾個鐘，就要出大埔應約。
出 發去鳳園村自然保育中心。可能前一晚通霄嘅關係，再加上天氣實在太熱，我响蝴蝶園裡影左大概3個鐘就要離開，因為真係好辛苦。影左百零張返去，都唔係太滿 意！所以決定要再抽時間再去！香港係咪已經無晒蝴蝶館之類嘅地方？事前已經上網搵都唔係咁易搵到！其實，見到火車站嘅廣告板，發現有蝴蝶攝影比賽，先決定 去玩下，試下自己嘅技巧。睇嚟，必須要練下攝影嘅技術，發覺自己唔夠想像力，唔知有咩方法可以豐富自己嘅想像力呢？

Read more