遊夜市

香港地少人多，每個地方總係人來人往，尤其於九龍區；油尖旺區特別擠擁。不過，正因為香港被譽為購物天堂，熱鬧嘅地方當然會人多。尋晚，我就約左女友到廟街一行。廟街呢個地方，通常於下午兩點後先會開始營業，一整街都係街邊檔舖，十分有特色！到晚上九點後，路邊小食檔會陸續開檔。而其中另一特色係，近天后廟附近有好多算名、睇相攤位。並有街頭中國戲曲表演，係充滿香港地道文化嘅嘅夜市。

响廟街，除左行街購物睇表演外，呢度重有好多本土食品供應。有各式嘅煲仔飯、晚飯小菜、避風塘海鮮到車仔檔小食可謂咩都有得食。而我同女友就選擇左鴉打街附近一間食煲仔飯嘅地方。呢間煲仔飯都幾好食架，一坐低我就點左兩個飯加一碟蠔餅加油菜。由於呢間煲仔飯煮得好味，所以一到步就要排隊等位，不過，又無須等太耐，大約十數分鐘就可以。

食過飯後，就開始行下呢個廟街！ 就行到中段，見到有一檔錶檔；心想，早排隻手錶斷左錶帶，都搵唔有修錶嘅地方！於是，當然要呢位師傅幫我修一修啦！就响修錶其間，有一位外籍人仕，行到我身邊，全神貫注地望住修錶師傅為我修理手錶！其實，呢種古式嘅鐘錶檔，响香港，真係買少見少，都難怪吸引住各地遊客註足欣賞！眼見難得嘅畫面，當然要舉機拍低；就响呢個時候，身旁位外籍遊客見狀問：『Where are you come from？』突然間，我緊張起來，因為太耐無同外籍遊客對話喇 ( 自從離開sales呢個行業 )。我緊張地回答：『I'm in Hong Kong。』哈哈，連文法忘記左！...@_@"