成日都聽到電台話要振興經濟，多d出街消費。我有做架！
尋 日放工無野做，出左旺角，本來諗住搵下D長鏡頭，格下價。諗住出雙糧就去刺激下經濟，行左三個鐘都未睇得啱！行下行下，行到一間遊戲機店，見到期待已久嘅 GAME賣緊廣告！於是就多口入去問下係咪已經有得買？店員當然話有貨啦！我就二話不說就帶佢返屋企！跟住個玩槍嘅朋友冷氣濤打俾我，問我係咪睇槍！因為 朝早我約左佢今日有時間去睇！
其實，本來買完隻GAME，打算返屋企試GAME！咁又約左佢，咁啱佢又差不多放工，唯有等埋佢放工去睇！已經同冷氣濤講，今日未必會買槍住，驚呢個月唔夠用嘛！無諗住今日會買野嘛，買GAME已經OVER左！
真係唔睇都好地地，行親街一係睇唔啱，但係有啱心水嘅，一定毫不考慮，照買可也！冷氣濤重問我，28號有game玩噃，問我去唔去？
有 game玩即係要架生啦，架生呢d野，無嘅就要問人借，借人嘅就一定要錫住用啦！一係就買新嘅！我又想去，但係又唔想問人借，怕整壞人地嘅就唔好啦！上次 去玩，借人枝槍都係就住玩！咁即係無得揀啦 !? 睇左一陣 ( 其實早排都睇啱一枝，不過一個人睇唔敢買，怕俾人呃嘛 ) 最後決定買嗰枝！
冷氣濤靜靜同我講，呢間槍舖D價錢算係最抵買，我睇過周邊嘅店舖都比較貴！枝槍嘅價錢都幾合理，冷氣濤話枝槍新買返去都唔使點大執，遲睇下想點改都可以！跟手買埋D必需品，D周邊部件就去左第二檔搵！就係咁，我又帶左新寵返屋企！
