LOMO相機~~歷史篇

作為板主，話過要介紹新野，當然要做得到啦！在此，打頭陣嘅話題係~~《LOMO相機》。相信有好多人都有聽過，LOMO相機呢個名稱。但係又有幾多人知佢嘅背景呢？介紹新產品之前，我地先去了解下，LOMO相機係點嚟吖。

於一九八四年，在前蘇聯一個專門生產軍事光學鏡片嘅工廠【Leningra dskoje Optiko Mechanitsche skoje Objedinienie】簡稱 LOMO，開 始研發一種小型、可以隨身攜帶嘅相機。一九九一年，一個由奧地利來嘅學生，响布拉格買左一部造型古舊、頗有蘇俄社會寫實主義風格的相機，當佢將呢部 LOMO相機帶返維也納之後，竟然成為地下藝術圈、文化圈嘅新寵兒。由於需求嘅呼聲愈來愈高，呢位奧地利嘅學生，响一九九五年跑到聖彼得堡去要求這個早已 關閉的工廠重新開張，再生產Lomo自動相機。到左今日，呢間工廠一個月生產大約二千台相機，不過價格已由以往嘅卅美元漲到約二百多美元。
呢種用來推廣且祕密傳播Lomo相機及用Lomo拍出來即興嘅照片（叫做Lomography）嘅人就係Lomo大使，如今全世界從古巴到日本、越南，共有卅多個大使在推廣：「Lomography不止是種創作性的攝影，而是一種存在的方式。」主要背後的概念就係：「要快、不用多想；對周遭的環境張開眼、多吸收、享受 溝通。」打從第一位奧地利學生和他的朋友們把用Lomo照嘅宴會照片，或日常每天嘅一景一物都掛於牆上展示後，佢地就開始左「Lomo Wall」嘅交流活動。一九九七年更於西班牙馬德里舉辦了第一屆嘅Lomo世界大會，展示左一萬五千張照片，整個牆長達一百零八公尺。

Lomo相機嘅特色係鏡頭寬（32㎜）、速度快、色彩強烈，無閃光燈，但在燈光愈暗情況下照出來效果愈好。同時，佢重有一種特殊嘅「隧道效果」；照片嘅四周會顯得比中間暗好多。不過於技術上或光學上嘅特性，都唔係Lomo嘅特點。最主要嘅吸引力反而係一種草根發展出來，跨地域性嘅地下創造活動。千萬不可睇小呢部老古董充。佢竟然可以於全世界各大洲刮起一陣潮流，形成數量龐大嘅忠實同好嘅社群進而發展出一種獨特嘅文化！單計去年網上會員就已超過20萬人。
此外，Lomo之所以受各國藝術家及攝影發燒友所愛戴，其最特別之處於佢與別不同嘅鏡頭，經由獨特彎曲嘅角度，讓Lomo得以日夜兼拍無須閃光，而且對於紅、藍、黃感光特別敏銳，用正片沖出嘅相片，色澤異常鮮豔。
時至今日，好多時下嘅年青一輩，都喜歡用LOMO相機隨處拍，記錄每一事一物。成為好多潮人必備之選。