鳳凰日出

十幾年喇，記得最後一次行山遠足，應該係中學時期嘅課外活動，校外嘅童軍活動！一 班老友記一齊行山露營，最是開心。讀完書之後，都忙於工作，有好多戶外活動都已經甚少再玩，想搵D行山嘅朋友都變得唔容易喇！自從投入攝影呢門興趣之後，再次喜歡野外嘅活動！都認識到好多同好者，有時間大家都會相約外出拍攝，今次就激玩上山影日出，好多朋友一齊同行添噃！

今次目的地係鳳凰山山頂，大約12點，我就到達約會地點 ~ 東涌 ~ 隨行我帶左一套相、一套露營coookset、一堆小食、一支大水、一支小電筒、一支三腳架同一支單腳架加一件風褸！看似呢D裝備無什特別！因出發前，正 考慮該用邊個背囊上山，最後係揀左一個細嘅背囊去。

然而，好戲正在後頭！當大伙兒都到齊後，就前往11號巴士站，途經伯公坳，我地就响呢度落車，準備上 山。上山前，大家都不忙影返張大合照留念，一行廿幾人就係咁擠入小小嘅路口，叱咤一聲後向鳳凰山進發。原先出發前，因自己無搜集過資料，對鳳凰山認識不 多，以為應該易行！不過，當我真正踏上旅途時，已發現，原來並唔係容易行！山徑初頭都比較好行，行左大約30分鐘，我地就响一個涼亭休息一陣。當晚天氣十 分好，大家都仰望星空，十分壯觀，可惜我套設備未夠完善，影唔到。休息完，真正嘅路程依家先開始，前面山路越來越崎嶇，大家都响中途休息左好多次。

途中， 原來唔止我地一伙上山，好不容易大家終於都上到山頂！大約行左兩個半小時，到達山頂，大家開始準備好位置。辛苦上到山頂，當然要煮野食醫肚啦。食過宵夜， 睇過時間都係四點幾...！，距離日出時間重有兩個鐘，又有D眼訓，都係小睡片刻先....。日出開始喇，初時真係好靚，成個天紫藍色，一直期待會出現雲海。可惜太陽仍然藏於雲霧中，而且濃霧不斷曠大，相機都被濃霧影響，機身都被霞氣覆蓋住。慢慢，自己都被濃霧包圍。影左一陣，都要開始收拾行裝落山。落山嘅路線，原來都一樣崎嶇險峻；我 腑瞰山下，嘩！真係好高，如果唔係大霧，真係望都會腳軟！沿路拾級而下，一路向天檀大佛方向前進，大約一個多小時就到達目的地。

 

日出喇...！

 

雲海....可惜影得唔靚！

 

幾大霧...！

 

我地就係上面落嚟架喇，幾高！