新鮮事

一向都有寫開blog，最近上左一位朋友嘅blog，朋友介紹入呢個blog有好多野玩！於是自己又加入呢個blogger玩下；就係咁，新張誌慶，有玩多一個！
上星期日，本來約好朋友到科學園影相。大家約好，先到新城市廣場食lunch！突然，友人同我講，佢竟然無帶記憶咭！我即時叮囑快返屋企攞，但友人由返屋企到去科學園，最快來回都要一個半小時；而當時已經16：00p.m.！重可以影咩？
於是，我建議出旺角行，因為要買模型油。去到模型店，見到上月想買嘅高達 "獨角獸 " 同 "武者頑駄無 "呢兩套模型，心裡十五十六，勁想買。最後當然忍手唔買住啦。