海綿

呢排啲時間多左，多到唔知點去利用！最近都好早收工。收工就返屋企。上網、MSN、聽歌、睇動畫！都少左出街。期待已久嘅朝九晚五嘅生活，終於都來臨！不過原來得到一啲野，就必須失去一啲野！最近又開始胡思亂想，不斷發夢，沉醉於夢裡面嘅世界。
尋日發左一個夢，夢中我同小貓一齊，去左一個好靚嘅海灘！我同小貓都响呢個海灘玩得好開心！好想呢個夢可以繼續落去！不過夢與現實始終都唔會相同！
返到現實嘅世界，都係要俾心機做好份工先得！今日可能因為天氣都幾熱，出汗量超乎想像！竟然可以係一滴一滴咁流出嚟！好似成個人變左一舊充滿水嘅海綿，用力一揸，就可以將啲水揸晒出嚟！認真誇張！嘩卡卡卡~