信是有緣

估唔到，緣份呢種事情會發生响我身上！大家無約定嘅情況下，互相碰面！
今日， 我如常返夜學！心想：不如打個電話俾佢！諗住同佢講，今晚可能無時間玩msn！當接通左佢個電話，知道原來佢都响尖沙咀時，我心裡十分開心。原來佢一星期 前已經約左朋友食飯！於是我約佢放學後見面。心中希望快啲放學就好！終於到左放學，我約佢响九龍公園見面！搵左一個比較靜嘅地方傾計！知道佢仍然為佢嘅 bf苦惱，我亦都試著安慰佢！傾左大約一個鐘，我建議轉個地方！於是，我地去左海傍繼續！奇妙嘅事情，再一次出現！我地傾左一陣，突然身後有個婆婆揸萫一 個花，响我地兜售！最初，無打算買，其後我決定買一支送俾佢！見佢收到呢支花嘅表情，自己都暗地歡喜！我地一直傾到一點幾，之後送佢返屋企。
今晚，真係好開心。希望有一日可以以bf嘅身份，再一次到海傍，回想今日嘅情景。